Իտալացի սենատոր Պոբերտո Մուրան հայտարարել է, որ հակառուսական պատժամիջոցների պատճառով Իտալիան ամեն տարի կորցնում է մոտ €7 մլրդ.: Այս մասին հաղորդում է RIA Novosti-ն:
Այս հայտարարությունը իտալացի քաղաքական գործիչն արել է Չեչնիայի ղեկավար Ռամզան Կադիրովի հետ հանդիպմանը:
«Պատժամիջոցները մեծապես վնասել են մեր տնտեսությանը: Այն տվյալները, որոնց ես տիրապետում եմ, վկայում են այն մասին, որ Իտալիան ամեն տարի կրում է €7 մլրդ-ի կորուստ»,- ասել է Մուրան:
Նա նշել է, որ պատժամիջոցներ սահմանելուց ի վեր Իտալիան կորցրել է մոտ 10 հազար աշխատատեղ: Մուրան ընդգծել է՝ ուստի պատժամիջոցները «մեծ խնդիր են» ոչ միայն Ռուսաստանի, այլև Իտալիայի համար:
