Ամերիկացի ձեռնարկատեր, Microsoft կորպորացիայի հիմնադիր Բիլ Գեյթսը դարձել է «գաղտնի Սանտա» Reddit ինտերնետ-ռեսուրսի օգտատերերի համար: Այն մասին, որ ինքը նվեր է ստացել Գեյթսից, կինը պատմել է redditgifts.com կայքում:
Սուրբ Ծննդի կապակցությամբ Բիլ Գեյթսը Ջո Ռեյչելին (ով կայքում հայտնի է NY1227 նիքնեյմով) նվիրել է փափուկ խաղալիք: Շնորհավորական բացիկի միջոցով, որը Գեյթսն ուղարկել է, պարզվել է դա միակ նվերը չէ: Աղջկա անունից ձեռնարկատերը նվիրատվություն է կատարել Heifer International բարեգործական հիմնադրամին, իսկ խաղալիքը խորհրդանշում է իսկական կով, որը հիմնադրամը կգնի այդ գումարով աֆրիկացի կարիքավոր ընտանիքներից մեկի համար: Նվիրատվության չափը չի հստակեցվում, սակայն Heifer International-ի կայքում նման գնումն արժե 500 դոլար:
Իմանալով այն մասին, որ Ռեյչելը շատ է սիրում ճամփորդել, նա կնոջը տվել է National Georgaphic գիրքը՝ 500 լավագույն զբոսաշրջային երթուղիների նկարագրությամբ:
