Բակո Սահակյանը հանձնարարել է ստուգել «Հայաստան» համահայկական հիմնադրամի` Արցախում կատարած բոլոր աշխատանքները: Այս մասին հուլիսի 9-ին կայացած մամուլի ասուլիսի լրագրողներին հայտնեց ՀՀ-ում Արցախի Հանրապետության մշտական ներկայացուցչության խորհրդական-խորհրդատուԳառնիկ Իսագուլյանը։
«Երբ հեռուստատեսությամբ ցուցադրեցին «Հայաստան» համահայկական հիմնադրամի նախագահի մասին տեսանյութը, Արցախի նախագահ Բակո Սահակյանն անմիջապես հանձնարարական տվեց` Արցախում հիմնադրամի կատարած բոլոր աշխատանքների վերաբերյալ հստակ տեղեկանքներ ներկայացնել»,- ասաց Իսագուլյանը:
«Արմենպրես»–ի փոխանցմամբ` հուլիսի 2-ին յուրացումներ կատարելու, ինչպես նաև հասարակական կազմակերպության ծառայողի կողմից լիազորությունները չարաշահելու կասկածանքով բերման էր ենթարկվել «Հայաստան» համահայկական հիմնադրամի տնօրեն Արա Վարդանյանը: Հուլիսի 3-ին Վարդանյանը ձերբակալվել էր:
