Հունիսի 26-ին, Լոնդոնի Բուկինգհեմյան պալատում տեղի է ունեցել Bee Gees լեգենդար խմբի նախկին մասնակից Բարի Գիբին ասպետի շքանշան շնորհելու հանդիսավոր արարողությունը։ 71-ամյա երգիչն այժմ սըր Բարի է դարձել։
Արարողությունը վարել է արքայազն Չարլզը։ Պարզվել է, որ բրիտանական գահի ժառանգորդը լավ ծանոթ է Bee Gees-ի արվեստին և սիրում է նրանց շատ երգեր։ Չարլզին հատկապես դուր է գալիս How Deep Is Your Love երգը։
Ցավոք Բարին միակն է խմբից, ով ողջ է մնացել։ Bee Gees-ը տրիո էր, որ կազմված էր Գիբ եղբայրներից։ Բարին նրանցից ավագն է։ Նա մենակատարն էր։ Երգերը հիմնականում միասին էին գրում։ Մորիսն ու Ռոբինը զույգեր էին։ Մորիսը մահացել է 2003 թվականին՝ 53 տարեկան հասակում, իսկ Ռոբինը՝ 2012-ին։
Ընդունելով մրցանակը՝ սըր Բարի Գիբը հայտարարել է, որ դա միայն իր վաստակը չէ։ «Շքանշանը նաև իմ եղբայրներին է պատկանում։ Համոզված եմ, որ այնտեղ՝ երկնքում, նրանք հիմա հպարտանում են ինձանով»,– ասել է երգիչը։
