Մեքսիկացի հինգ ընկերներ չորս տարի առաջ պայմանավորվել են Ռուսաստան մեկնել՝ աջակցելու իրենց հավաքականին։ Բայց վերջին պահին նրանցից մեկի՝ Խավյերի կինը ամեն ինչ փչացրել է։ Նա թույլ չի տվել ամուսնուն՝ ընկերների հետ Ռուսաստան մեկնել։
Ընկերները շատ մանրակրկիտ էին պատրաստվել ճամփորդությանը, նրանք նույնիսկ մի հին դպրոցական ավտոբուս էին գնել և նկարազարդել մեքսիկական մոտիվներով։
Լուրը, որ իրենց ընկերը չի կարող մեկնել իրենց հետ շատ է վշտացրել տղաներին, բայց նրանք նրա պատճենն են պատրաստել ստվարաթղթից և նրա հետ մեկնել են Ռուսաստան։ Ստվարաթղթե տղայի շապիկի վրա բացատրական գրություն է. «Կինս ինձ չթողեց»։ Դատելով նկարներից՝ Խավյերի նմանակը հրաշալի ժամանակ է անցկացնում Ռուսաստանում։ Նրա ընկերները նույնիսկ էջ են բացել Facebook-ում, որտեղ իրենց և, իհարկե, Խավյերի ճամփորդության նկարներն են տեղադրում։
Բացի այդ, տղայի նմանակը ամուսնացած չէ և կարող է իրեն թույլ տալ փաթաթվել և լուսանկարվել աղջիկների հետ։ Դեռևս պարզ չէ, թե ինչ են այս ամենի մասին մտածում Խավիերն ու նրա կինը։ Բայց եթե նա տեսնի, թե ինչ լավ ժամանակ են անցկացնում ընկերները, երևի թե նախանձից խելագարվի։