ժառանգություն» կուսակցությունն ակտիվ մասնակցելու է արտահերթ խորհրդարանական ընտրություններին:
Այս մասին լրագրողների հետ հանդիպմանն ասաց «Ժառանգություն» կուսակցության նախագահ Արմեն Մարտիրոսյանը:
Նրա խոսքով` «Ժառանգություն»-ը միակ ուժն է, ով երբևէ իշխանություն չի եղել և մշտապես ներկայացել է նորարարական ծրագրերով:
Անդրադառնալով արտահերթ ընտրություններին մասնակցության ձևաչափին՝ Մարտիրոսյանը ճիշտ համարեց, որ համաժողովրդական շարժումը միասնական ճակատով մասնակցի, բայց եթե առաջարկը չընդունվի, իրենք պատրաստ են միայնակ մասնակցելու: «Մենք բոլորս միտված ենք դեպի արտահերթ ընտրություններ: Ընտրություններին կլինի դաշինքային հարաբերությունը՝ շատ լավ, չի լինի` մենք պատրաստ ենք միայնակ մասնակցելու»,-ասաց նա:
Արմեն Մարտիրոսյանը նշեց, որ առաջիկայում հանդես կգան ընտրական օրենսգրքում փոփոխությունների հետ կապված առաջարկություններով: «Ժառանգությունը 15 տարի անընդմեջ ընտրական գործընթացների մեջ է, և մենք գիտենք՝ ինչ է անհրաժեշտ փոփոխել ընտրական օրենսգրքում»,-ասաց բանախոսը՝ հավելելով, որ գոնե այս ընտրություններին ընտրական մուտքի շեմը խորհրդարան պետք է իջեցվի: «Այս անգամ մենք ֆորսմաժորային իրավիճակում ենք գործելու և, հետևաբար, խորհրդարանում պետք է շատ այլ ուժեր լինեն` հասարակության ձայնը լսելի դարձնելու համար: «Կարևոր է, որ հեղափոխությունն իր տրամաբանական ավարտին հասնի նաև ինստիտուցիոնալ առումով»,-ընդգծեց բանախոսը: