Կաշառակերության մեղադրանքով 12 տարվա ազատազրկման դատապարտված Բրազիլիայի նախկին նախագահ Լուիս Ինասիու Լուլա դա Սիլվան կմեկնաբանի ֆուտբոլի աշխարհի առաջնության խաղերը Rede TVT հեռուստաալիքով և Brasil Atual ռադիոկայանով: Այս մասին գրում է kommersant.ru-ն:
Լուլա դա Սիլվան գրառումներ կանի Ռուսաստանում կայացող առաջնության խաղերից ստացած իր տպավորությունների մասին, այնուհետև կուղարկի դրանք հեռուստաալիքի խմբագրություն: Նախկին նախագահի գրառումները ուղիղ եթերով կընթերցվեն Բրազիլիայի և Շվեյցարիայի միջև կայանալիք հանդիպման ընթացքում:
Լուիս Ինասիու Լուլա դա Սիլվան վերջնականապես ճաղերի ետևում է հայտնվել ապրիլ ամսվա սկզբին, այն բանից հետո, երբ Բրազիլիայի գերագույն դատարանը հրաժարվել է բավարարել նախագահի փաստաբանների կողմից ներկայացված բողոքարկումները: