Ղրիմի գերագույն խորհրդի նախագահությունը ինքնավար հանրապետության բնակչությանը կոչ է արել պատրաստ լինել պաշտպանվելու այն ուժերից, ովքեր փորձում են Կիևում գալ իշխանության: Համապատասխան հայտարարությունը հրապարակել է տարածաշրջանային խորհրդարանի մամլո ծառայությունը:
Պատգամավորները հայտարարում են, որ այս օրերին վճռվում է Ուկրաինայի, միաժամանակ նաև ինքնավարության ճակատագիրը:
«Օգտագործելով «գունավոր հեղափոխությունների» տեխնոլոգիան՝ Կիևում փողոցային անկարգությունների կազմակերպիչները աշխատում են ցանկացած գնով գրավել իշխանությունը երկրում: Նրանք արդեն բաժանել են պետական կառույցների գլխավոր պաշտոնները, ինչի մասին վկայում են հայտնաբերված փաստաթղթերը:
Լավ ճանաչելով նման հանցագործ սցենարի հովանավորներին և պաշտպաններին՝ մենք լիարժեք վստահությամբ կարող ենք պնդել, որ կործանարար գործընթացները առաջին հերթին վերաբերում են Ղրիմի ինքնավար կարգավիճակին: Մենք ձեզ հետ կարող ենք կորցնել այն ամենը, ինչին հասել ենք մեր հանրապետության գոյության տարիների ընթացքում: Մեզ կզրկեն խոսելու, գրելու, ղրիմցիների մեծամասնության համար հարազատ ռուսերեն լեզվով կրթություն ստանալու իրավունքից»,- նշել է նախագահությունը:
