Հայտնի հեռուստահաղորդավարուհի Օքսանա Ֆյոդորովան իր աստղային ճանապարհը սկսել է հաղթելով 2002 թ. Պուերտո Ռիկոյում կայացած «Միսս Տիեզերք» գեղեցկության մրցույթում: Մինչ այդ նա հաղթել էր «Միսս Սանկտ Պետերբուրգ», այնուհետև՝ «Միսս Ռուսաստան» մրցույթներում: Սակայն նրա բոլոր երկրպագուները ցնցվեցին, երբ Ֆյոդորովան հանկարծ հրաժարվեց թագից ասպիրանտուրայում ուսումը շարունակելու համար:
«Ես այդ տիտղոսը որպես իմ կարիերա չէի ընկալում: Գեղեցկության մրցույթն իմ հոբբին է: Իսկ երբ պարզվեց, որ մշտապես պետք է ուղևորությունների մեջ լինեի,մասնակցեի գովազդային և բարեգործական ծրագրերի, ես հրաժարվեցի այդ ամենից: Ես ավարտում էի ասպիրանտուրան և պետք է թեկնածուական թեզս վերջացնեի»,- բացատրել է Ֆյոդորովան 7days-ին տված հարցազրույցում:
