Երևանի ընդհանուր իրավասության դատարանի Կենտրոնի նստավայրում Նորք Մարաշի զինված խմբի գործով դատական նիստը անցնում է կրքերի թեժացման պայմաններում: Դատարանի մուտքի մոտ ակցիա են անում քաղաքացիները՝ պահանջելով կալանքի տակ գտնվող ամբաստանյալներին ազատ արձակել: Նույն պահանջն են ներկայացնում նաև գործով կալանքի տակ գտնվող ամբաստանյալները, նրանց շահերի պաշտպանները և դահլիճում գտնվող քաղաքացիները: Ամբաստանյալ Գառնիկ Մարգարյանի շահերի պաշտպան Հովիկ Արսենյանը միջնորդություն ներկայացրեց Գառնիկ Մարգարյանի խափանման միջոց կալանքը վերացնելու կամ փոխելու վերաբերյալ միջնորդելով կիրառել ստորագրություն չհեռանալու մասին, գրավ կամ անձնական երաշխավորություն:
Պաշտպանը ներկայացրեց ԱԺ երկու պատգամավորների Ֆելիքս Ցոլակյանի և Ալիկ Սարգսյանի անձնական երաշխավորությունը Գառնիկ Մարգարյանի կալանքը փոխելու վերաբերյալ:Պաշտպանը ներկայացրեց նաև «Մեծն Տիգրան» աշխարհազորային գնդի վետերան ազտամարտիկների միջնորդությունը Գառնիկ Մարգարյանին ազատ արձակելու վերաբերյալ: Մեղադրողները առարկեցին միջնորդության դեմ, դատարանը ընդմիջում է հայտարարել:
