11-ամյա ամերիկուհու փորի մեջ ուռուցք է գոյացել, որը շատ նման է եղել հղիության: Համադասարանցիները ծիծաղել են նրա վրա՝ կարծելով, թե աղջիկը հղի է, հաղորդում է Fox News-ը:
Ջանեթ Ռոբերթսը, ով սովորել է Ջեքսոնվիլի գիշերօթիկ դպրոցում, երկար ժամանակ մոր հետ կապը միայն հեռախոսով է պաշտպանել: Մոր խոսքերով՝ աղջիկը երբեք առողջությունից կամ դպրոցում ունեցած անախորժություններից չի բողոքել: Սակայն վերջին մի քանի ամիսների ընթացքում փոքրիկի քաշը ինը կիլոգրամով ավելացել է: Դպրոցի ղեկավարությունը զանգահարել է աղջկա մորը և պատմել կատարվածի մասին:
Մայրն աղջկան ստիպել է հղիության թեստ հանձնել, որի արդյունքը բացասական է եղել: Միայն դրանից հետո երեխային բժշկի մոտ են տարել:
Մանկական կլինիկայի աշխատակիցները հայտնաբերել են, որ ինը կիլոգրամանոց գոյացությունն իրականում բարորակ ուռուցք է, և հեռացրել են այն:
Փոքրիկի կյանքին վտանգ չի սպառնում, սակայն նա դեռ բժիշկների հսկողության տակ է: Երեխայի մայրը խոստացել է, որ էլ երբեք նրան մենակ չի թողնի:
