Լիբանանի վարչապետ և վարչապետի թեկնածու Սաադ Հարիրին ընդունել է երկրի խորհրդարանի՝ «Դաշնակցություն» կուսակցությունը ներկայացնող հայազգի պատգամավորներ Հակոբ Բագրատունուն, Հակոբ Թերզյանին և Ալեքսանդր Մաթոսյանին: Այս մասին հայտնում է «Ռուսարմինֆոն»-ն՝ վկայակոչելով Հակոբ Բագրատունու հայտարարությունը:
«Մենք պահանջել ենք վարչապետից 32 նախարարից կազմված նոր կառավարություն ձևավորել, որում հայ համայնքին երկու նախարարական պորտֆել կհատկացվի», – հանդիպման ավարտին հայտնել է Հակոբ Բագրատունին:
Խորհրդարանականը հավելել է, որ չի տարանջատում նախարարական պորտֆելները կարևորների և երկրորդայինների և այդ հարցում պատրաստ է համագործակցել կառավարության հետ:
Լիբանանում 2018-ի մայիսի 6-ին անցկացված խորհրդարանական ընտրությունների արդյունքներով օրենսդրական մարմնի կազմում նաև հայ պատգամավորներ են ընդրկվել:
