Ոսկու պակասի պատճառով Հնդկաստանում ոսկյա զարդերի արտահանումը 2013-ի ապրիլից հոկտեմբեր ընկած ժամանակահատվածում նվազել է 54 տոկոսով, նախորդ տարվա նույն ժամանակաշրջանի համեմատ՝ մինչև 4 մլրդ դոլար: Այս մասին գրում է The Wall Street Journal-ը: Հնդկաստանի արտաքին առևտրի դեֆիցիտը նվազեցնելու համար երկրի իշխանությունները մտցրեցին նոր պահանջներ՝ ուղղված ոսկու ներկրմանը: Ռուփիի կուրսը պահելու համար Հնդկաստանը բարձրացրել է ոսկու ներկրման հարկերը, ինչպես նաև տարբեր սահմանափակումներ սահմանել ներկրված ոսկին օգտագործելու առումով:
Նրանք հասան ցանկալի արդյունքի: Սակայն անսպասելի արդյունք էր ոսկյա զարդեր արտահանողների համար բավարար չափով ոսկի գտնելը՝ արտասահմանյան պատվերները կատարելու համար: Իսկ Եվրոպայում և ԱՄՆ-ում նման զարդերի պահանջակը սկսել է վերականգնվել:
Արդյունքում հնդիկ ոսկերիչները կարող են կորցնել իրենց մասնաբաժինը համաշխարհային շուկայում:
Չինաստանը, որն այս տարի ոսկու պահանջով շրջանցել է Հնդկաստանին և աշխարհում առաջին տեղն է զբաղեցնում, մոտ է ոսկյա զարդերի արտահանման համաշխարհային շուկայում իր մասնաբաժինը մեծացնելուն:
