Սաուդյան Արաբիայի գահաժառանգ արքայազն Մոհամմեդ բին Սալմանը կարգադրել է պետական պայմանագրեր չկնքել գերմանական ընկերությունների հետ: Տվյալ որոշումը նշանակում է, որ Էր Ռիադին շարունակում է նյարդայնացնել Մերձավոր Արևելքում Բեռլինի քաղաքականությունը, գրում է Der Spiegel-ը՝ վկայակոչելով սեփական աղբյուրներին:
Նշվում է, որ այս քայլը, ամենայն հավանականությամբ, կանդրադառնա այնպիսի ընկերությունների վրա, ինչպիսիք են Siemens-ը, Bayer-ը, Boehringer Ingelheim-ը եւ Daimler-ը:
Գերմանիայի և Սաուդյան Արաբիայի հարաբերություններում լարվածությունն աճում է: Անցյալ տարի Էր Ռիադը խորհրդակցությունների նպատակով հետ էր կանչել Գերմանիայում իր դեսպանին՝ Լիբանանում քաղաքական ճգնաժամի մասին այն ժամանակվա ԱԳ նախարար Զիգմար Գաբրիելի մեկնաբանությունների պատճառով:
Սաուդյան Արաբիան Գերմանիայի խոշորագույն առեւտրային գործընկերն է: Անցյալ տարի արտահանման ծավալը 6.6 մլրդ եվրո է կազմել:
