ԱՄՆ–ում Բերկլիի Ազգային լաբորատորիայի գիտնականները պարզել են, թե ինչպես մագնիսա–ռեզոնանսային տոմոգրաֆիայի սարքերն ավելի էժան և ճշգրիտ դարձնեն։ Դրա համար մասնագետներն ուզում են մանր ալմաստներ օգտագործել։ Այս մասին հաղորդում է լաբորատորիայի մամլո ծառայությունը։
ՄՌՏ տեխնոլոգիայի շնորհիվ բժիշկները կկարողանան ներքին օրգանների շերտավոր լուսանկարներ անել։ Մագնիսական դաշտը որոշում է մարդու օրգանիզմի հագեցածության աստիճանը ջրածնի ատոմներով, որոնք փոխում են կողմնորոշումը գրադիենտային դաշտերում։ Թանկարժեք մագնիսների փոխարեն մասնագետներն առաջարկում են ոչ մեծ ալմաստներ կիրառել, որոնք ի վիճակի են մի քանի անգամ ուժեղացնել բևեռացումը, ինչպես նաև բարելավել պատկերման ցայտագունությունը։
Գիտնականների կարծիքով՝ ալմաստների օգտագործմամբ տեխնոլոգիան թույլ կտա ՄՌՏ սարքն ավելի փոքր դարձնել, ինչն, իր հերթին, կբերի դրա գնի նվազման։
