Այսօր ԱԺ պետաիրավական և մարդու իրավունքների հարցերի հանձնաժողովի նիստում ասաց «Ծառուկյան» խմբակցության պատգամավոր Տիգրան Ուրիխանյանը, դիմելով ՀՀ գլխավոր դատախազ Արթուր Դավթյանին, ասաց, որ տարբեր ժամանակներում խաղաղ պայմաններում զոհված զինծառայողների մայրերը անընդմեջ իրենց բողոքն են արտահայտում իրենց խնդիրներին լուծում չտալու համար:
«Խաղաղ պայմաններում մահացած զինվորների մայրերի հարցը ամենամտահոգիչն է ու ամենածանրը, բայց վստահեցնում եմ ձեզ՝ բոլոր գլխավոր դատախազները իրենց պարտքն են համարել հենց այս գործերով ամեն ինչ անել, որ այս հարցերը փակվեն: Ես հանդիպել եմ մայրերի հետ, և որոնցում հնարավոր էր՝ վարույթներ են սկսվել, և որոնք որոշակի հիմքեր են ունեցել, կատարվել է որոշակի տեղաշարժ: Վստահեցնում եմ, որ այս ուղղությամբ առավելագույնը արվել է»,- պատասխանեց գլխավոր դատախազը:
Տիգրան Ուրիխանյանը նկատեց՝ դրանք այն հարցրեն էին, որոնք հանեցին մեր միլիոնավոր քաղաքացիներին իրենց բողոքն արտահայտելու և հեղափոխություն իրականացնելու:
«Չկա որևէ բարձրաստիճան անձ, որը որևէ կոռուպցիոն պատմության մեջ չի եղել. Դա ծիծաղ կարող է առաջացնել: Եվ միայն այն պատասխանը, որ նրանք պիտի վախով ապրեն, վստահ եմ՝ բավարար չէ: Կոռուպցիայի դեմ պայքարի շրջանակներում գլխավոր դատախազի հերթական հաշվետվությունը, ըստ իս, չի կարող ընկալվել որպես լիարժեք կամ գոնե բավարար»,- նկատեց Տիգրան Ուրիխանյանը:
Մանրամասները՝ տեսանյութում: