Հատուկ նրանց համար, ովքեր ակնկալում էին տրամադրության անկում կամ եռանդի պակաս տեսնել իր կամ իր գործընկերների մոտ, ԱԺ ԲՀԿ խմբակցության անդամ Տիգրան Ուրիխանյանն ԱԺ դեկտեմբերի 3-ի հայտարարությունների ժամին տեղեկացրեց` երկրում առկա պրոբլեմները հանելու են-դնեն այդ հարթակում՝ ժողովրդի դատին ու գնահատականին:
«Եթե չունեք այլ խնդիրներ, բացի մեր մեջ սեպ խրելուց, անձնական վիրավորանքներ հասցնելուց, չունեք այլ կարողություն, համերաշխության ճանապարհ բռնեք ժողովրդի հետ, ովքեր իրենց բողոքն ու ցասումն են արտահայտում ձեր իսկ բերած որոշումների հանդեպ: Եթե ԲՀԿ-ն խոսում է, ընդունելով նաև սեփական դիրքորոշումներն ու դիտարկումները, ժողովրդի հետ համերաշխության ուղին բռնելով, դուք այս պարագայում լուծումը տեսնում եք նրանում, որ շեղվեք այդ ուղուց: Սխալ եք անում»,- ասաց Ուրիխանյանը՝ նորից հորդորելով բռնել ժողովրդի հետ հաշտության ուղին:
Նա նշեց, որ եթե իրենք այսօր քննադատում են, դրա դիմաց ստանում են մանր-մունր ինտրիգներ, ապա խոսքը նորից ուղղեց նրանց. «Պետք չէ, չի հաջողվի: Եկեք մտածենք վաղը քվեարկությամբ դրսևորել լոյալությունը ու այդպիսով վաստակել գնահատական, ոչ թե՝ մանր-մունր ինտրիգներով»:
