ԵՄ անդամ երկրները «չեն մեղմացնի Ուկրաինայի նկատմամբ պահանջները՝ հանուն Ասոցացման համաձայնագրի ստորագրման»: Վիլնյուսում գագաթնաժողովի առաջին օրվա արդյունքներով հայտնել է եվրոպական դիվանագիտական բարձրաստիճան աղբյուրը՝ փոխանցում է ITAR-TASS-ը:
«Ասոցացման համաձայնագրի ստորագրման պայմանները 2012-ի դեկտեմբերին որոշվել են ԵՄ խորհրդի կողմից: Դրանք են՝ ընտրական օրենքի բարեփոխում, դատական համակարգի վերափոխում, ընտրովի արդարադատության դեպքերի բացառում՝ ներառյալ Յուլյա Տիմոշենկոյի շուրջ ստեղծված իրավիճակը,- նշել է դիվանագետը:- Սրանք սկզբունքային պայմաններ են, որոնցից հրաժարվելը կիմաստազրկի Ասոցացման համաձայնագիրը և ազատ աևտրի գոտին:
Այդ համաձայնությունը ոչ միայն տնտեսության և Ուկրաինայի ժողովրդի բարեկեցության, այլև եվրոպական ընդհանուր արժեքների մասին է»,- ասել է նա:
«Արևելյան գործընկերության» գագաթնաժողովից մի քանի օր առաջ Ուկրաինան որոշեց չստորագրել ԵՄ-ի հետ Ասոցացման համաձայնագիրը, ինչը սուր քննադատության արժանացավ եվրոպական երկրների կողմից:
Չնայած սրան՝ եվրոպական երկրների ներկայացուցիչներն Ուկրաինային կոչ են անում ստորագրել համաձայնագիրը:
