ԱՄՆ առաջին տիկինը լրագրողներին պատմել է Օբամա ընտանիքի ամանորյա սովորությունների մասին և այն մասին, թե ինչպես է այս տոնն անցնում Սպիտակ տանը: Ամեն Նոր տարուն Օբամայի ընտանիքն անցկացնում է այսպես կոչված՝ «տաղանդների» մրցույթ. մրցանակ-նվերը ստանալու համար անհրաժեշտ է ինչ-որ կերպ ուրախացնել ներկաներին, հայտնում է spletnik.ru-ն:
Միշելը նշել է, որ մրցույթին ցուցադրում են տարբեր համարներ: Նախագահի կինը հանդես կգա իր շնիկ Բոյի հետ, որին հասցրել է վարժեցնել:
«Մեր ընտանիքը միշտ շատ մեծ է եղել, ուստի պարզապես անհնար է նվեր գնել ամեն մեկի համար անհատապես: Դրա համար մենք հորինել ենք մեր մրցույթը: Առանց բացառության բոլորի համար գնում ենք փոքրիկ գեղեցիկ իրեր ու դնում զամբյուղի մեջ: Նվերներից մեկը ստանալ կարող ես միայն որևէ համար ցուցադրելուց հետո: Ես համար կցուցադրեմ մեր շնիկ Բոյի հետ, աղջիկները դեռ չեն որոշել, թե ինչ ցույց կտան, նախագահը, ամենայն հավանականությամբ, կերգի մյուս հայրերի հետ»,- ասել է Միշել Օբաման:
