Թուրքիան միշտ աջակցել է Իրանի միջուկային ծրագրին՝ ասել է երկրի վարչապետ Ռեջեփ Թայիփ Էրդողանը: Այս մասին փոխանցում է TRT Haber հեռուստաալիքը:
Վարչապետի խոսքով՝ համաձայնագիրը, որը ձեռք է բերվել իրանական միջուկային ծրագրի շուրջ Թեհրանի և «Վեցյակի» ներկայացուցիչների միջև, բանակցությունների անցկացման առաջին քայլն է և լուրջ խթան է հաղորդում հետագայում հաջողության ձեռքբերմանը:
Էրդողանը նշել է, որ Անկարան միշտ հանդես է եկել բանակցություններ անցկացնելու, այլ ոչ թե Իրանի նկատմամբ պատժամիջոցներ սահմանելու առաջարկով:
Հիշեցնենք, որ Իրանն ու «Վեցյակը» նոյեմբերի 24-ին բեկման էին հասել միջուկային ծրագրի շուրջ բանակցություններում: Երկու կողմերը Ժնևում գործողությունների համատեղ պլան էին ստորագրել, որը նախատեսում է Իրանի նկատմամբ պատժամիջոցների որոշակի մեղմացում:
