«Քաղաքապետարանը Ազատության հրապարակում հանրահավաք իրականացնելու հարցում 3 ուժերից գոնե մեկին կարող էր մերժել՝ պատճառաբանելով, որ արդեն զբաղված է, այս ինչ ուժը ձեզնից առաջ դիմել է, բայց չի մերժել, երևի հույս ունենալով, որ ընդդիմությունը այնտեղ արդեն իրար մեջ կունենա բախում»։ Այդ մասին «Առաջին լրատվական»-ի հետ զրույցում ասաց քաղտեխնոլոգ Կարեն Քոչարյանը՝ անդրադառնալով նրան, որ այս ամիս Ազատության հրապարակը հանրահավաքաշատ է լինելու, միանգամից 3 ուժեր հանրահավաքներ են իրականացնելու։
Հիշեցնենք, որ Ապրիլի 13-ից 17-ը ներառյալ, Ազատության հրապարակում հանրահավաքներ է իրականացնելու ՔՊ-ն, Ապրիլի 9-ին, 10-ին, 11-ին, 17-ին, 18-ին, 19-ին, 20-ին և 21-ին հանրահավաք և երթ՝ «Երկիր Ծիրանի» կուսակցությունը, Ապրիլի 2-ից մինչև ապրիլի 20-ը Ազատության հրապարակում հանրահավաք է իրականացնելու նաև «Սասնա ծռեր», «Հանուն Հայաստան պետության» ճակատը։
Քաղաքագետը, օրինակ, Նիկոլ Փաշինյանին և Զարուհի Փոստանջյանին չի պատկերացնում նույն հարթակում, չի էլ ուզում մտածել, թե հետագայում հարթակը կիսելու հետ կապված ինչ խնդիրներ կառաջանան, դա, ըստ քաղաքագետի, կարևոր չէ։
«Չեմ տեսնում Զարուհի Փոստանջյանին և Նիկոլ Փաշինյանին նույն հարթակում, նույնիսկ իրանք իրանց չեն տեսնում, ես ինչպես տեսնեմ, որ տեսնեին՝ կմիանային ընտրություններից առաջ։ Իրանց փոխարեն չեմ ուզում մտածել»,- շեշտեց քաղտեխնոլոգը։
Մանրամասները՝ տեսանյութում։
