Վարդան Պետրոսյանն այն հանցագործը չէր, որ նրան հիվանդ վիճակում միանգամից մեկուսացնեին հասարակությունից: Այսօր կայացած մամուլի ասուլիսի ժամանակ նման տեսակետ հայտնեց ընդդիմադիր գործիչ Գուրգեն Եղիազարյանը:
«Պետք էր մարդուն թողնել, որ ապաքինվեր, և եթե մեղավոր է, նոր միայն պատժվեր: Պետք էր մարդ լինել՝ միանգամից չմեկուսացնելու հայտնի դերասանին: Մյուս կողմից՝ ողբերգություն է տեղի ունեցել, երկու անմեղ երեխաներ են զոհվել»,- ցավ հայտնեց Գուրգեն Եղիազարյանը:
Հիշեցնենք, որ դերասանի մասնակցությամբ վթարի արդյունքում զոհվել էին երկու 16-ամյա տղաներ: Վարդան Պետրոսյանին կալանավորել էին, իսկ ավելի ուշ նրան ձերբակալելու որոշում էր կայացվել:
