Եկեղեցու հիշատակման ժամանակ մարդկանց մեծամասնությունը պատկերացնում է աղոթող հավատացյալների կամ միալար երգեցողություն: Եկեղեցու սպասավորները որոշել են այդ պատկերացումները փոխարինել անվճար գարեջրի գավաթով, որպեսզի հավատացյալների շարքերը համալրվեն երիտասարդներով:
Վերջին ժամանակներս երիտասարդ ամերիկացիներն ավելի քիչ են սկսել եկեղեցիներ այցելել, ինչն անհանգստություն է առաջացրել եկեղեցու սպասավորների շրջանում և ստիպել է նրանց մտածել երիտասարդությանը գրավելու միջոցների մասին: Հարցի լուծումը գտել են Պորտլենդ քաղաքի եկեղեցու հոգևորականներ: Նրանք հիշել են երիտասարդների սիրելի ըմպելիքի մասին: Այդ կերպ Պորտլենդի քրիստոնեական եկեղեցին դարձել է առաջին հոգևոր համայնքը, որը համարում է, թե աղոթքի ժամանակ մեկ գավաթ գարեջուրը վատ միտք չէ:
Ինչպես հաղորդում է Huffington Post-ը, նոր լուծումը հաջողության է հասել, և մեծ թվով երիտասարդներ են սկսել այցելել եկեղեցի:
Այսպես, անվճար գարեջուր առաջարկում են ոչ միայն Օրեգոն նահանգում, այլև Միչիգանում և Վիրջինիայում:
