Վրաստանի խորհրդարանում կքննարկվեն վարչապետին, կառավարության կազմը և կառավարության ծրագիրը հաստատելու և դրանց վստահության քվե հայտնելու հարցերը: Այս մասին հաղորդում է ITAR-TASS-ը:
Քութայիսում տեղի ունեցած խորհրդարանի արտահերթ նիստի ժամանակ պատգամավորների առջև ելույթ կունենա վարչապետի թեկնածու Իրակլի Գարիբաշվիլին: Ավելի վաղ նա հայտարարել էր, որ նոր կառավարությունում փոփոխություններ չեն լինի, բոլոր նախարարները կպահպանեն իրենց պաշտոնները: Կառավարության միակ նոր անդամը ՆԳ նախարարի թեկնածու Ալեքսանդրե Չիկաիձեն է, որն էլ կփոխարինի 2012-ի հոկտեմբերից այդ պաշտոնը զբաղեցրած Գարիբաշվիլիին:
Նոր կառավարության ծրագիրը կոչվում է «Հանուն ուժեղ, ժողովրդավարական և միասնական Վրաստանի»: