ԱՄՆ-ում էլեկտրոնային հաղորդակցությունների տվյալների հավաքման ծրագրի հակառակորդները հանդես են եկել ԱՄՆ կոնգրեսի սենատում լրտեսությունը սահմանափակելու նախաձեռնությամբ: Այս մասին գրում է New York Times թերթը:
Օրեգոնի դեմոկրատ սենատոր Ռոն Ուայդենը թերթին ասել է, որ ԱՄՆ հատուկ ծառայությունները գիտակցաբար մոլորություն են մտցրել լրտեսության ծրագրերում, որոնց մասին հայտնել է Էդվարդ Սնոուդենը: Ուայդենն առաջարկել է ուղղումներ մտցնել պաշտպանության օրենքում, որն առաջիկայում պետք է քննարկվի սենատում: Եթե ուղղումներն ընդունվեն, ապա հատուկ ծառայությունները պետք է հաշվետվություն ներկայացնեն հանրությանը, թե որքան հաճախ են նրանք հավաքել տվյալներ՝ խախտելով մասնավոր տեղեկության անձեռնմխելիության իրավունքը: Ուղղումներին կողմնակից են նաև դեմոկրատ Ռիչարդ Բլյումենթալը և հանրապետական Ռենդ Փոլը:
Սակայն կոնգրեսում 2 կուսակցությունների ղեկավարներն էլ հասկացրել են, որ ուղղումները առաջիկայում չեն քննարկվի:
