ԱԺ փոխխոսնակ, «Ծառուկյան» խմբակցության պատգամավոր Միքայել Մելքումյանը իրավական ռեժիմ չի տեսնում, որով Արմեն Սարգսյանը կարող է իր աշխատանքի ընթացքում հետագայում հաշվետու լինել նաև իրենց խմբակցությանը։
«Կոռեկտ բան չեք անում, մենք հո առևտուր չենք անում սատարելով»,- «Առաջին լրատվական»-ի հետ զույցում նշեց Միքայել Մելքումյանը՝ անդրադառնալով հարցին՝ արդյո՞ք Արմեն Սարգսյանը նախագահի պաշտոնը ստանձնելուց հետո հաշվետու կլինի նաև իրենց, քանի որ կոալիցիոն թեկնածուին նաև իրենք են կողմ քվեարկելու։
Միքայել Մելքումյանը հորդորեց բարեխղճության դաշտում մնալ, քանի որ իրավաբանորեն հաշվետվողականության ինստիտուտ ձևակերպված չէ։
«Մարդկային առումով, իհարկե, միշտ էլ կա, քաղաքական առումով՝ կարող ենք, շատ նորմալ է, քաղաքական տեսակետների համահունչ լինելը, քննարկումը, զրուցելը, բայց դա իրավական բնույթ չի կրում, ասենք՝ առևտրով ենք զբաղված, ասենք՝ ձայն տանք, դու հետո սենց ․․․ ըտենց չի, մի քիչ ավելի նուրբ և ավելի քաղաքական պիտի լինի»,-ընդգծեց նա։