Չինաստանը նախատեսում է կրճատել այն հանցագործությունների ցուցակը, որոնց համար մահապատիժ է սահմանվում: Այս մասին հաղորդում է Ria Novosti-ն` վկայակոչելով ՉԺՀ կոմկուսի ԿԿ-ի 3-րդ պլենումի բանաձևը:
Բացի այդ, Չինաստանում կփակեն աշխատանքային ուղղիչ գաղութները, որոնք գործում են ամբողջ երկրում 1975-ից ի վեր: Ոստիկանությունն առանց դատարանի որոշման նման ճամբարներ կարող էր ուղարկել մինչև 4 տարի պատժաժամկետի «արժանի» անձանց: Այս տարվա սկզբին ուղղիչ գաղութներում մոտ 260 հազար մարդ է գտնվել:
Հիշեցնենք` ուրբաթ օրը հայտնի է դարձել, որ Չինաստանը մեղմացնում է «Մեկ ընտանիք՝ մեկ երեխա» ժողովրդագրական քաղաքականությունը: Այժմ զույգը կարող է լույս աշխարհ բերել նաև երկրորդ երեխային, եթե ծնողներից մեկն իր հերթին ընտանիքում միակ զավակն է: