Գերմանահայոց Կենտրոնական խորհրդի նախագահ Ազատ Օրդուխանյանը հրաժարական է ներկայացրել:
Այս մասին այսօրվա համարում գրում է «Հայկական ժամանակ» օրաթերթն ու հավելում, որ գերմանիայի հայ համայնքի կենտրոնական վարչությունը նոյեմբերի 30-ին նոր ղեկավար է ընտրելու: Աոաջին հայացքից շատ առօրեական թվացող այս տեղեկատվության ետևում (որն աոաջին անգամ անցյալ կիրակի հնչել է Հայաստանի հեոուստաընկերություններից մեկի եթերից) մեծ և տգեղ պատմություն է թաքնված:
Ազատ Օրդուխանյանի անունը «Հայկական ժամանակ» օրաթերթում և հայաստանյան այլ լրատվամիջոցներում հաճախ է հանդիպել հատկապես վերջին երկու տարվա ընթացքում: Բանն այն է, որ 2011 թվականին հուլիսի «Հարսնաքարում» Վահե Ավետյանի սպանությունից հետո Գերմանիայի հայ համայնքը՝ Կենտրոնական խորհրդի նախագահ Ազատ Օրդուխանյանի գլխավորությամբ, ոտքի կանգնեց, իր բողոքի ձայնը բարձրացրեցին Հայաստանում տիրող ամենաթողության վերաբերյալ: Վահե Ավետյանի մահվան շուրջ կրքերը հանդարտվելուց և աղմուկը մարելուց հետո էլ Գերմանիայի հայ համայնքը շարունակեց և մինչ օրս շարունակում է տարբեր առիթներով և տարբեր մեթոդներով արձագանքել Հայաստանում կատարվող անօրինականություններին: Այնտեղ համաժողովներ են կազմակերպվում, ակցիաներ արվում: Բաղրամյան 26-ին այս իրավիճակը, սակայն ինչ-որ պահից սկսել է դուր չգալ: Հնարավոր է. որ հենց այն պահից, երբ պարզ է դարձել, որ գերմանահայերի ակտիվությունը կարող է վարակի նման տարածվել նաև Սփյուռքի մյուս օջախներում, իսկ դրա համար, պարզ է, բոլոր նախադրյալները կան: Հատկապես հաշվի առնելով վերջին 5 տարիների ընթացքում աշխարհասփյուռ հայության շարքերը համալրած հայաստանցիներին. ովքեր չնչին իսկ կայծի դեպքում պարզապես կարող են բռնկվել: Եվ ահա, Բաղրամյան 26-ից իջեցված անմիջական հրահանգով Գերմանիայում Հայաստանի դեսպանությունը սկսել է քայքայիչ գործունեություն ծավալել համայնքի շրջանում, ինչի ամբողջ նպատակն է եղել Կենտրոնական խորհուրդը պաոակտելն ու նախագահ Ազատ Օրդուխանյանից ազատվելը:
Թեմայի շուրջ մանրամասները՝ կարդացեք «Հայկական ժամանակ» օրաթերթի այսօրվա համարում: