Ցուցարարները, որոնք բողոքում են Իտալիայի կառավարության դեմ՝ սոցիալական կացարանների ոլորտում տիրող իրավիճակի համար, շրջափակել են Հռոմի միջազգային կինոփառատոնի կարմիր ճանապարհը:
Ինչպես հաղորդում է RIA Novosti-ն, շուրջ տասը մարդ շարվել է Հռոմի կինոփառատոնի կարմիր գորգի վրա` իշխանություններին կոչ անելով ուշադրություն դարձնել բնակարանների բաշխման ոլորտում ստեղծված կրիտիկական իրավիճակին:
Ցուցարարները մտադիր են եղել փակել The Hunger Games: Catching Fire ֆիլմի գլխավոր դերակատար Ջենիֆեր Լոուրենսի ճանապարհը, սակայն ոստիկանությունը մեկուսացրել է շարժման ներկայացուցիչներին :
Հիշեցնենք, որ Հռոմի միջազգային կինոփառատոնն Իտալիայում անցկացվում է նոյեմբերի 8-17-ը:
