Օսկարակիր ամերիկյան դերասանուհի Ջենիֆեր Լոուրենսը հայտարարել է կինոյից հեռանալու մասին, իհարկե՝ ժամանակավոր։
Վերջին տարիներին փառքի գագաթին գտնվող դերասանուհին որոշել է թողնել կարիերան մեկ ամբողջ տարով։
Ընդ որում, 27-ամյա դերասանուհու խոսքերով, նա անում է դա ազնիվ մղումներից ելնելով. այս ամբողջ տարին Ջենիֆերը մտադիր է իրեն ամբողջովին նվիրել հասարակական գործունեությանը։
Օգտագործելով իր ազդեցությունը, Լոուրենսն ուզում է զբաղվել հասարակական աշխատանքով, որպեսզի ավելի շատ ներգրավի երիտասարդներին հասարակության քաղաքացիական և քաղաքական կյանքի մեջ։
Արդեն հիմա աստղը համագործակցում է Represent.Us ոչ առևտրային կազմակերպության հետ, որը պայքարում է քաղաքական գործիչների շրջանում կաշառակերության դեմ և հանդես է գալիս հանուն հակակոռուպցիոն օրենքների։
