Մանհեթընի Դաշնային դատարանը ցմահ ազատազրկման է դատապարտել Ֆայսալ Շահզադին, որը Թայմս-սքուեյրում 2010թ. մայիսի մեկին ահաբեկչական գործողության անհաջող փորձ էր կատարել: Հիշեցնենք, որ այդ օրը Նյու-Յորքի Թայմս-սքուեյրում հայտնաբերվել էր մի մեքենա, որտեղ ինքնաշեն պայթուցիկ սարք էր գտնվել : Ոստիկանները, որոնք հայտնաբերել էին այդ մեքենան, հայտնեցին, որ եթե սարքը գործի դրվեր, ապա զոհերի թիվը կհասներ մի քանի հարյուրի: Շահզադը ձերբակալվել էր Դուբայ ուղեւորվող օդանավում` Ջոն Քենեդու անվան օդանավակայանում: Հայտնի է, որ ահաբեկիչը Պակիստանի տարածքում վարժանքներ է անցել «Թալիբան» կազմակերպության շարքերում: Ահաբեկիչը Նյու-Յորքն ուսումնասիրել էր համացանցի միջոցով` փորձելով գտնել այն վայրերը, որտեղ պայթյունի հետեւանքով հանրավորինս շատ մարդ կզոհվեր: Նաեւ պարզվել էր, որ Շահզադը բնակվել եւ աշխատել էր Նյու-Յորքին հարեւան Քընեքթիքութ նահանգում` որպես վերլուծաբան:
Դատավոր Միրիամ Սեդարբաումի վճռով Շահզադը մեղավոր ճանաչվեց բոլոր 10 կետերով, այդ թվում`ահաբեկչության փորձ եւ զանգվածային բնաջնջման զենքի օգտագործում` ոչ մի հնարավորություն չթողնելով նրա պայմանական-վաղաժամ ազատման համար: