Սպիտակ տան վարչաբյուջետային վարչության ղեկավար Միք Մուլվանին հայտարարել է, որ զորահանդեսը, որը ցանկանում է անցկացնել Թրամփը, երկրին կարժենա 30 մլն դոլար։ Այս մասին հայտնում է The Hill-ը։
Նրա խոսքով՝ միջոցառման արժեքը կախված կլինի դրա տևողությունից։ Մոտավոր հաշվարկներով՝ այն կարող է կազմել 10-30 մլն դոլար։
Նշվում է, որ հնարավոր զորահանդեսի արժեքը ներառված չէ 2019 թվականի ԱՄՆ բյուջեում, այդ իսկ պատճառով, եթե Սպիտակ տունը որոշի խթանել Թրամփի նախաձեռնությունը, ստիպված կլինի Կոնգրեսի հետ կարգավորել ֆինանսավորման հարցերը։
