«Բա ինչո՞ւ վարչապետը Ազգային ժողովի խորհրդի անդամ չէ»,- ԱԺ-ում Անվտանգության խորհրդի կազմավորման և գործունեության մասին օրենքի նախագծի քննարկմանը հայտարարեց ԱԺ փոխխոսնակ Էդուարդ Շարմազանովը:
Նրա խոսքով՝ ժողովրդավարության հիմքերի հիմքը իշխանությունների տարանջատման սկզբունքն է, և օրենսդիր իշխանության գործառույթը չպետք է մտնի գործադիր կամ դատական իշխանության ուղղակի գործողության ոլորտ:
«Եվ ասել, թե ինչու չկա պետության նախագահը, որը պետության գլուխն է. պետության գլուխ չի նշանակում, որ ինքը առաջին ջութակն է»,- ասաց Շարմազանովը:
Նրա խոսքով՝ բոլոր խորհրդարանական համակարգերում պետության գլուխն ակտիվ քաղաքական առաջին ջութակ չէ. «Նա Սահմանադրության երաշխավորն է և ունի Սահմանադրությամբ իր վրա դրված ֆունկցիաներ, որը պետք է հանգիստ իրականացնի: Այո, առաջին խաղացողը դառնում է գործադիրի ղեկավարը: Այդպես է Գերմանիայում, Հունաստանում և Իտալիայում: Որևէ մեկը գիտի՞, թե ով է Հունաստանի նախագահը, Իտալիայի նախագահը, չգիտեք: Իսկ գիտեք՝ ով է վարչապետը»:
Մանրամասները՝ տեսանյութում:
