Ես չեմ համարում, որ Արմեն Սարգսյանը ՀՀ նախագահի պաշտոնի համար ՀՀԿ-ի թեկնածուն է. նա Սերժ Սարգսյանի թեկնածուն է։ Այս մասին «Առաջին լրատվական»-ի հետ զրույցում նշեց «Ազատ դեմոկրատներ» կուսակցության նախագահ Խաչատուր Քոքոբելյանը։
«Սերժ Սարգսյանն այդ թեկնածությունը ներկայացրել է ՀՀԿ-ին։ Կոռեկտությունը պահանջում է նշել, որ նա Սերժ Սարգսյանի թեկնածուն է, որը կարող է դառնալ նաև ավելի լայն շրջանակների թեկնածուն, ընդգրկելով ՀՀԿ-ն, ՀՅԴ և այլ խորհրդարանական ուժեր, ինչպես վերջին ժամանակներս տեսնում ենք»,- ասաց Քոքոբելյանը։
Նա նշեց, որ Արմեն Սարգսյանի հետ հանդիպման վերաբերյալ առաջարկ «Ազատ դեմոկրատներին» չի եղել. «Դա խնդիր չեմ համարում, մյուս կողմից, չեմ կարծում, թե այդ հանդիպումն առանձնապես բան կտա թե՛ «Ազատ դեմոկրատներ»-ին, թե՛ Արմեն Սարգսյանին։ Այդուհանդերձ, նորմալ եմ համարում, որ քաղաքական ուժերին հանդիպելով գնում է, որովհետև, կարծես թե, ՀՀ նախագահի թեկնածուի համար կարևոր է նման ընթացակարգը»։
Խաչատուր Քոքոբելյանը զարմանք հայտնեց, որ շատերը մեծ պահանջներ են ներկայացնում նախագահի թեկնածուին. «Ցավոք, նոր Սահմանադրությունը նման լիազորություններ նրան չի տալիս»։
Ամբողջությամբ՝ տեսանյութում: