Անտուան Բոյլստոնը՝ Քենտուկիից, չէր էլ կարող պատկերացնել, որ աշխատանքի ժամանակ ստացած վնասվածքը կարող էր նրան մահվան բերել:
Անտուան Բոյլստոնը աշխատանքի ժամին կոտրել է մատը, բայց բժշկի է դիմել միայն երեկոյան, երբ ցավն անտանելի է դարձել: Տղամարդը նկատել է, որ ձեռքը սկսել է մգանալ և ուռել: Բժիշկներն ուղարկել են նրան բիոպսիայի և պարզել են, որ Բոյլստոնի մոտ ինֆեկցիա է, որի արդյունքում գիշակեր մանրէներ են զարգացել:
Բոյլստոնի ձեռքին անհնար էր նայել. մանրէները խժռել էին նրա ձեռքի մաշկը՝ ախտահարելով ներքին օրգանները: Տղամարդը ցնցված էր իր վիճակից, քանի որ մինչ այդ մտածում էր, որ դա սովորական կոտրվածք է:
«Վիրահատությունից հետո ես արթնացա, և բժիշկներն ինձ ասացին, որ ինձ մոտ նեկրոտիկ ֆասցիտ է: Դրանից հետո ես հասկացա, թե ինչ վտանգ է ինձ սպառնում: Նման բան ես միայն ֆիլմերում էի տեսել և չէի կարող պատկերացնել, որ դա կարող էր ինձ հետ էլ պատահել: Ես կարող էի մահանալ»,- պատմել է Բոյլստոնը:
