Հյուսիսային Կորեայում 80 մարդ հրապարակավ մահապատժի է ենթարկվել: Դա տեղի է ունեցել նոյեմբերի սկզբին: Նրանց մեծ մասն իրենց կյանքով են հատուցել արգելված հեռուստատեսային շոուները դիտելու համար: Մի քանիսը մեղադրվել են մարմնավաճառության համար: Այս մասին հայտնում են հարավկորեական ԶԼՄ-ները:
Պահպանողական JoongAng Ilbo թերթը, հղում անելով տեղեկացված անանուն աղբյուրին, հայտնում է, որ նոյեմբերի 3-ի հրապարակային մահապատիժներ են իրականացվել Հյուսիսային Կորեայի 7 քաղաքներում:
Հաղորդվում է, որ հյուսիսային Վոնսոն նավահանգստային քաղաքի իշխանությունները մարզադաշտում 10 հազար մարդու էին հավաքել՝ 8 մարդու գնդակահարությունը դիտելու համար:
«Ռեժիմն ակնհայտորեն վախենում է մարդկանց մտածողության մեջ պոտենցիալ փոփոխություններից և հեռատեսորեն փորձում է վախեցնել նրանց»,- ասվում է հյուսիսկորեացի էմիգրատների «Հյուսիսկորեական մտավոր զորակցություն» միջազգային կազմակերպության կայքում:
Արգելված հեռուստահաղորդումների կամ ֆիլմերի դիտումը, հատկապես կապիտալիստական Հարավային Կորեայից, լուրջ հանցագործություն է Հյուսիսային Կորեայում:
Սակայն ամբողջական վերահսկողություն կազմակերպելն արգելված հաղորդումների ու սերիալների տարածման վրա գնալով ավելի ու ավելի է բարդանում՝ տեխնոլոգիական զարգացմանն ու համացանցից ապօրինի ներբեռնումների հնարավորություններին զուգընթաց:
