Ամերիկյան Apple կորպորացիան պատրաստվում է թողարկել ուռուցիկ և գերզգայուն դիսփլեյով iPhone-ի երկու նոր մոդել: Դրանք ներկայում մշակման փուլում են և կներկայացվեն 2014-ի երկրորդ կեսին: Այս մասին գրում է Bloomberg գործակալությունը:
Դրանցից մեկը կունենա 5.5, իսկ մյուսը՝ 4.7 դյույմանոց դիսփլեյ: Դրանց առանձնահատկություններից մեկը կլինի հատուկ ցուցիչների առկայությունը, որոնք կկարողանան ճանաչել, թե օգտագործողը ինչ ուժով է դիպչում իրենց: Սենսորային էկրանին թեթև հպվելու դեպքում կիրականացվեն գործառույթներ, որոնք տարբեր կլինեն ուժեղ սեղմման դեպքում հնարավոր գործառույթներից:
Գործակալության աղբյուրը նաև հայտնել է, որ գունավոր պլաստմասսե կորպուսով բյուջետային iPhone 5C-ն, որը վաճառքի էր հանվել սեպտեմբերին, զգալիորեն քիչ պահանջարկ ունի iPhone 5S-ի համեմատ:
Apple-ի պաշտոնական ներկայացուցիչ Նատալի Քերիսը հրաժարվել է մեկնաբանություններից:
