Բահամյան կղզիների մոտ՝ Ատլանտյան օվկիանոսի ջրերն է ընկել փոքր ինքնաթիռ: Ավիավթարի հետևանքով զոհվել են ինքնաթիռում գտնված ԱՄՆ 4 քաղաքացիները: Այս մասին հայտնում է ITAR-TASS-ը:
Վթարի մասին ոստիկանությանը հայտնել է ականատեսը: Ավելի ուշ օվկիանոսում հայտնաբերվել են օդանավի բեկորները:
Ենթադրվում է, որ բոլոր զոհերը եղել են զբոսաշրջիկներ, ովքեր օդանավից դիտել են տեսարժան վայրերը: Ինքնաթիռը թռիչքի էր դուրս եկել Մեծ Բահամա կղզուց, որը գտնվում է արշիպելագի հյուսիսարևմտյան մասում: Ֆլորիդայի մոտ գտնվող այդ կղզին մեծ ժողովրդականություն է վայելում ամերիկացի զբոսաշրջիկների շրջանում:
