Դուբլինի բնակիչ, 35-ամյա Մարկ Իգանն ինքնասպան է եղել մի քանի տարի շարունակ ստերոիդներ ընդունելուց հետո՝ չսպասելով բժիշկների օգնությանը։ Նրա կինը՝ Սարատան, պատմել է Daily Mail-ին, որ տղամարդը պարզապես ցանկացել է լավ տեսք ունենալ հարսանիքին, իսկ հետո չի կարողացել հաղթահարել կախվածությունը։
4 երեխաների հայրը 2013 թվականին ցանկացել է իրեն արագ կարգի բերել հարսանիքից առաջ։ Դրա համար նա սկսել է ստերոիդներ ընդունել, և առաջին հայացքից՝ դրանք տվել են անհրաժեշտ արդյունքը. հարսանիքին Մարկը հիանալի տեսք է ունեցել։ Մեղրամսին նա փորձել է թողնել դեղորայքն ու անսպասելիորեն հասկացել է, որ չի կարող դա անել։
Էներգիայով լի տղամարդը ստերոիդներ չընդունելու արդյունքում իրենց զգացել է հիվանդ, կոտրված և հոգնած։
Նա 2 տարի փորձել է ինքնուրույն հաղթահարել կախվածությունը, սակայն դա նրան չի հաջողվել։ Հուսահատվելով՝ տղամարդը դիմել է բժշկի և իմացել, որ բուժման հերթը վիթխարի է. նա ստիպված էր սպասել առնվազն 2 տարի։ Նրա մոտ սաստիկ գլխացավեր են սկսվել, խնդիրներ առաջացել՝ կապված հոգեկան առողջության հետ։
Այժմ նրա կինն իր պարտքն է համարում ստերոիդների վտանգի մասին այլոց իրազեկելը։
