«Մենք հավատացած ենք, որ պետք է հնարավորինս շուտ փակվի Հայաստանի ատոմակայանը, քանի որ հնարավոր չէ այն բարելավել այնպես, որպեսզի ամբողջովին համապատասխանի անվտանգության միջազգային պահանջներին»,-այսօր ՀՀ-ԵՄ ենթակոմիտեի 5-րդ նիստից առաջ կայացած բրիֆինգի ժամանակ ասաց Արևելյան գործընկերության երկկողմ հարաբերությունների ստորաբաժանման ղեկավարի տեղակալ Դիրկ Լորենցը՝ պատասխանելով հարցին, թե քննարկվե՞լ է նիստի ժամանակ ատոմակայանի հարցը:
«Միևնույն ժամանակ մենք հասկանում ենք, որ Հայաստանի համար կարևոր է էներգետիկ անվտանգությունը: Եվ դա պետք է հաշվի առնել: Ֆուկուսիմայի ողբերգական դեպքից հետո Եվրոպական միությունում գտնվող ատոմակայանների սթրես-թեսթեր անցկացվեցին, այդպիսին նաև Հայաստանն իրականացրեց և այժմ կարևոր է այդ սթրես-թեսթերի արդյունքները կյանքի կոչել, այսինքն` անել այն` ինչ հնարավոր է իրականացնել այս ատոմակայանի անվտանգության մակարդակը բարձրացնելու համար»,-հավելեց Դիրկ Լորենցը։
Առավել մանրամասն՝ տեսանյութում
