Մեծ Բրիտանիայի Բիրմինգհեմ քաղաքի բնակիչ Ռոջեր Ուիլդեյը գերմանական հովվաշան հետ զբոսնելիս նկատել է նրա տարօրինակ տրամադրությունը, գրում է Birminghem Mail-ը:
«Մոտ ժամը 3-ին ես` շանս` Ջեյդի հետ զբոսնելու դուրս եկա: Գամփռն իմ կողքին էր այնքան ժամանակ, մինչև մենք մոտեցանք թփուտներին: Այնտեղ նա հանկարծ անհետացավ իմ տեսադաշտից: Ես մտա թփուտների մեջ և տեսա, որ Ջեյդը պառկած է մի պայուսակի կողքին: Քանի որ շունը հրաժարվում էր ինձ հետևել, ես ստիպված եղա մոտենալ և տեսնել, թե ինչն է նրան այդքան հետաքրքրել: Երբ մոտեցա, պայուսակից մանկան լացի ձայն լսեցի»,- պատմել է 68-ամյա տղամարդը:
Ցնցված Ռոջերը, շանը թողնելով երեխայի մոտ, մոտակա տնից վթարային ծառայության աշխատակիցներին է զանգահարել, ապա կրկին այնտեղ վերադարձել:
Բժշկական հետազոտությունը ցույց է տվել, որ փոքրիկ աղջնակը մի քանի ժամ առաջ է ծնվել, և եթե շունը փոքր-ինչ ուշ վրա հասներ, ապա այգում երեխայի մնալն անդառնալի հետևանքներ կունենար:
