Ամերիկացի հայտնի երգչուհի Լեդի Գագան հայտնել է, որ տարեսկզբին ազդրի վնասվածքից , ապա անոթների վիրահատությունից հետո ինքը վարժվել էր թմրանյութ օգտագործելուն: «Ես ծխում էի օրական 15 հատ մարիխուանայով ծխախոտ»,- նրա խոսքերը մեջբերում է Sun-ը:
Լեդի Գագան խոստովանում է, որ «հրաժարվել է թմրանյութերից ունեցած սարսափելի կախվածությունից, որով փորձում էր մեղմել կոտրված ազդրի ցավը»:
«Ես ելույթ էի ունենում՝ ցավ զգալով, ինձ անհրաժեշտ էր օգնություն այն բանի համար, որ մոռանայի ցավի մասին: Ես փորձում էի վերջ դնել այդ վնասակար սովորությանը»,- թերթը մեջբերում է Գագայի խոսքերը:
Երգչուհին համաձայնել է բուժման կուրս անցնել: «Լեդի Գագան ենթարկվել է ինտենսիվ թերապիայի, որը ներառել է 72-ժամյա քաղց, զբոսանք անտառում կապված աչքերով»,- գրում է պարբերականը:
Մեթոդն արդյունավետ էր, ու նա ընդհանուր առմամբ՝ հաղթահարել է թմրակախվածությունը:
