ԵԱՀԿ գլխավոր քարտուղար Լամբերտո Զանյերը կոչ է արել մտածել՝ ինչպես բարձրացնել կազմակերպության աշխատանքի արդյունավետությունը: Ինչպես հաղորդում է ITAR-TASS-ը, այս մասին նա հայտարարել է Ռուսաստանի արտգործնախարար Սերգեյ Լավրովի հետ հանդիպման ավարտից հետո:
Զանյերն ընդգծել է դեկտեմբերի 5-6-ին Կիևում նախատեսվող ԵԱՀԿ ԱԳ նախարարների խորհրդի նիստի կարևորությունը:
«Մենք աշխատանքների ծրագիր ունենք «Հելսինկի+40» գործընթացի հովանու ներքո՝ 2015թ.»,- նշել է Զանյերը
Նրա խոսքով՝ անհրաժեշտ է մտածել՝ ինչպես բարձրացնել աշխատանքի արդյունավետությունը, քանի որ օրակարգը չափազանց բարդ է: Նա նշել է, որ գոյություն ունի թեմաների երեք բլոկ՝ անվտանգություն ԵԱՀԿ շրջանակներում, կազմակերպության տնտեսական չափման ամրապնդում և մարդկային չափում:
Զանյերը նշել է, որ միևնույն ժամանակ ԵԱՀԿ-ն պայքարում է ահաբեկչության, զենքի անօրինական վաճառքի, նարկոտրաֆիկի, մարդկանց առևտրի, կազմակերպված հանցագործության դեմ:
