Չեմպիոնների լիգայի գավաթի խաղարկության խմբային փուլի չորրորդ տուրում Դորտմունդի «Բորուսիա»-ն սեփական հարկի տակ նվազագույն հաշվով պարտվեց Լոնդոնի «Արսենալ»-ին: Առաջին խաղակեսում գոլեր չգրանցվեցին: Գոլային պահ ունեցավ Հայաստանի հավաքականի կիսապաշտպան Հենրիխ Մխիթարյանը, ում հարվածը շեղ ստացվեց:
61-րդ րոպեին գոլի հեղինակ դարձավ «Արսենալ»-ի ուելսցի կիսապաշտպան Աարոն Ռեմզին: Դորտմունդցիներին այդպես էլ չհաջողվեց վերականգնել հաշվի հավասարակշռությունը: Հավելենք, որ Հենրիխ Մխիթարյանը մասնակցեց ամբողջհանդիպմանը:
Խմբի մյուս խաղում «Նապոլի»-ն սեփական հարկի տակ 3:2 հաշվով կամային հաղթանակ տարավ ֆրանսիական «Մարսել»-ի նկատմամբ` արգենտինացի հարձակվող Գոնսալո Իգուաինի դուբլի շնորհիվ:
Չորրորդ տուրից հետո նեապոլցիներն ու լոնդոնցիներն ունեն 9-ական միավոր, «Բորուսիա»-ն՝ 6, իսկ «Մարսել»-ը կրեց չորրորդ անընդմեջ պարտությունը:
Չեմպիոնների լիգա. խմբային փուլ. չորրորդ տուր
F խումբ
«Բորուսիա» (Գերմանիա) – «Արսենալ» (Անգլիա)՝ 0:1
Աարոն Ռեմզի ( 61’)
«Նապոլի» (Իտալիա) – «Մարսել» (Ֆրանսիա)՝ 3:2
Գյոկհան Ինլեր (22’), Գոնսալո Իգուաին (24’, 75’) – Անդրե Այու (10’), Ֆլորիան Տաուվին (64’)
