Դոնալդ Թրամփը հայտարարել է, որ Իրանը համաձայնել է երկարաժամկետ հեռանկարում ապահովել իր միջուկային օբյեկտների ամենաբարձր մակարդակի ստուգումները՝ երաշխավորելով «միջուկային ազնվություն»։
«Իրանն ամբողջապես համաձայնել է ամենաբարձր մակարդակով միջուկային տեսուչների մուտքին երկարաժամկետ հեռանկարում (անվերջ)։ Սա կապահովի «միջուկային ազնվությունը»։ Եթե նրանք սրան չհամաձայնեին, ընդհանրապես բանակցություններ չէին լինի»,- գրել է Թրամփը։
ԱՄՆ նախագահի խոսքով՝ այս պայմանավորվածություններն են, որ թույլ են տվել ապաշրջափակել Հորմուզի նեղուցը։
Իր ուղերձում Թրամփն ընդգծել է, որ Իրանին հատկացվող ֆինանսական միջոցները կառավարվելու են ԱՄՆ-ի կողմից և օգտագործվելու են բացառապես ամերիկյան գյուղմթերքների՝ եգիպտացորենի, ցորենի և սոյայի ձեռքբերման համար։
«Սա հումանիտար ճգնաժամ է, և ես կարծում եմ, որ անհրաժեշտ է օգնել հիմա՝ քանի դեռ չափազանց ուշ չէ»,- ընդգծել է Թրամփը։Այնուամենայնիվ, ԱՄՆ նախագահը նախազգուշացրել է, որ ռազմածովային ուժերը մնում են բարձր պատրաստականության վիճակում՝ անհրաժեշտության դեպքում նեղուցի շրջափակումը վերականգնելու համար։
