«Մեր երկրում պետք է բարեփոխումներ արվեն, ինչ-որ բան պետք է փոխվի: Հայրենիքի հոգսով մտահոգ մարդիկ պետք է հավաքվեն, մի բան անեն, որ այս երկրում ինչ-որ բան փոխվի»,-«Առաջին լրատվական»-ի հետ զրույցում ասաց «Հայկական վերածնունդ» սփյուռքյան կազմակերպության Բելգիայի մասնաճյուղի անդամ Անդրանիկ Տոնոյանը: Նրա խոսքով՝ պետք է ամեն հայ իր կողմից մի քար պետք է դնի քարի վրա, որ կարողանանք երկրում որևէ բան փոխել:
Անդրանիկ Տոնոյանը նշեց, որ ինչպես Հայաստանում, այնպես էլ Բելգիայում հայությունը հիասթափված է Հայաստանի ներքաղաքական կյանքից. «Բոլորն են հետաքրքրված Հայաստանի կյանքով, բայց չեն խառնվում: Սասնա ծռերի՝ ՊՊԾ-ն գրավելու ժամանակ ամբողջ աշխարհի սփյուռքահայերի ակտիվությունը բարձրացավ: Կան մարդիկ, որ հետաքրքրված են, զբաղվում են, մասնակցում են, բայց մարդիկ էլ կան, որ հույսը կորցրել են»,-ասաց Անդրանիկ Նիկողոսյանը:
Նրա կարծիքով՝ մեր երկրում ռադիկալ գործողություններով լավ արդյունք չենք ունենա, շատ հնարավոր է քանդենք այն, ինչ ունենք, դրա համար շատ զգույշ պետք է լինել, մարդկանց պետք է բացատրել, թե ինչպես պետք է անենք, որ մեր ունեցածն էլ չկորցնենք:
Հարցազրույցն ամբողջությամբ՝ տեսանյութում: