Սպիտակ տունը խնդրել է անցկացնել ռեժիսոր Սթիվեն Սփիլբերգի «Գաղտնի դոսյե» ֆիլմի նախնական դիտում: Ֆիլմում գլխավոր դերերը կատարում են Թոմ Հենքսը և Մերիլ Սթրիփը: Այս մասին հաղորդում է The Hollywood Reporter-ը:
Ֆիլմի սյուժեն հիմնված է 20-րդ դարի 70-ական թվականների պատմության վրա, երբ The Washington Post թերթի գլխավոր խմբագիր Բեն Բրեդլիի ձեռքում է հայտնվում գաղտնի նամակագրություն Վիետնամի պատերազմի մասին, որը հրապարակվել է՝ չնայած ԱՄՆ նախագահ Ռիչարդ Նիքսոնի վարչակազմի սպառնալիքներին:
Գլխավոր դերերի երկու դերակատարներն էլ ԱՄՆ նախագահ Դոնալդ Թրամփի ակտիվ քննադատներից են:
