Նորզելանդական Կորոմանդել քաղաքի մի քանի բնակիչներ արհեստական կղզի են կառուցել, որպեսզի Ամանորի տոներին խույս տան հասարակական վայրերում ալկոհոլի օգտագործման արգելքից։ Այս մասին հաղորդում է BBC News-ը։ Տեղատվության ժամանակ Թայրուա գետաբերանին նորզելանդացիները ավազից կղզի են սարքել, վրան սեղան դրել և սպասել են մինչև ջուրը վերադարձել է ու սկսել են նշել Նոր տարին։
Ինչպես գրում է BBC News-ը, նրանք պնդել են, որ գտնվում են «միջազգային ջրերում», որտեղ ալկոհոլի օգտագործման արգելքը չի գործում։ «Կղզու բնակիչները» խմել են ամբողջ գիշեր, հունվարի 1-ին կղզին դեռ տեղում է եղել։
Ոստիկանության տեսուչ Ջոն Քելլին գաղափարը կրեատիվ է անվանել, նրա խոսքերով, եթե ինքը իմանար կղզու մասին, հնարավոր է, որ ինքն էլ միանար այն ստեղծողներին։
Կորոմանդելեում արգելված է ալկոհոլ օգտագործել հասարակական վայրերում՝ ամանորի տոների ամբողջ ընթացքում։ Խմելու համար տուգանքը կազմում է մոտ 180 ԱՄՆ դոլար։
