American Airlines ավիաընկերությունը թույլ չի տվել ինքնաթիռ նստել փոքրիկ երեխա ունեցող ընտանեկան զույգին՝ կաթի շշի պատճառով։ Ստուգման կետում ընտանիքին ստիպել են 150 դոլար վճարել, գրում է Mashable-ը։
Սառա Սելոուն պատմել է, որ պատրաստվել է ամուսնու և երեխայի հետ Բոստոնից Արիզոնա ուղևորվել։ Վերահսկողություն իրականացնող սպաներից մեկը թույլ չի տվել շշով ինքնաթիռ բարձրանալ։
American Airlines apologizes after mother has to ditch breast milk to avoid fine https://t.co/TXhlXWymHX pic.twitter.com/oKpg7qf74O
— VIPortal INC (@VIPortalINC) December 16, 2017
Օդանավակայանի աշխատակիցը կարծել է, որ ինքնաթիռի սրահ հեղուկ մտցնելու արգելքը տարածվում է նաև շշով կաթի վրա։ Սակայն համաձայն Տրանսպորտային անվտանգության վարչության կանոնների՝ կերակրող կանանց թույլատրվում է փոքրիկի համար շիշ վերցնել։ Սպան մոռացել էր այդ կանոնի մասին և առաջարկել Սառային հավելյալ վճարել 150 դոլար՝ ձեռքի ուղեբեռի չափսերի գերազանցման համար կամ դեն գցել շիշը։ Զույգը ստիպված է եղել դեն գցել շիշը։
Երբ միջադեպը մեծ արձագանք է գտել, ավիաընկերությունը ստուգում է սկսել և ներողություն խնդրել ընտանեկան զույգից։ American Airlines-ի ներկայացուցիչները խոստացել են, որ նման բան հետագայում չի կրկնվի։
