Հռոմի պապն արժանացել է «Պարզ հաղորդակցություն» մրցանակին, որը Երրորդ հազարամյակի եվրոպական ինստիտուտի կողմից շնորհվում է բարդ բաները պարզ և հասկանալի ներկայացնելու ունակության համար, տեղեկացնում է Վատիկանի ռադիոն:
«Դեռ տասը տարի առաջ նույնիսկ պատկերացնել չէր կարելի, որ Հռոմի պապը կարող է այդքան հաղորդակցվող անձնավորություն լինել»,-հայտարարել է Եվրոպական ինստիտուտի տնօրեն Անդրեա Պիցիկարոլին, ով էլ այս մրցանակի համար առաջարկել է Հռոմի պապի թեկնածությունը:
Ինստիտուտի տնօրենի խոսքերով՝ Հռոմի պապի հաղորդակցվելու բացառիկ կարողությունը բացատրվում է նրա անկեղծությամբ:
«Երբ մարդն ինքն իր և ուրիշների հետ անկեղծ է, այս դեպքում մենք գործ ունենք պարզ հաղորդակցության հետ: Ոչ ոք չի կարող կասկածի տակ դնել քո ասածը, եթե դու խորապես համոզված ես դրանում»,- ասել է Պիցիկարոլին:
Նրա կարծիքով՝ հենց այդ հատկանիշների բարձր աստիճանով էլ օժտված է Հռոմի ներկայիս պապը:
